Patay ang isang dalaga na anak ng isang OFW sa Davao Occidental matapos siyang pagsasaksakin at pinagpapalo pa ng martilyo sa ulo sa loob ng kanilang bahay.  Hinala ng kaanak ng biktima, plano ng suspek na gahasain ang kaniyang anak.

Sa ulat ni RGil Relator ng RTV-One Mindanao sa GMA News TV "Balita Pilipinas" nitong Martes, sinabing nagtamo ng mahigit 20 saksak sa katawan at mga palo ng martilyo sa ulo ang biktimang si Jane Masucol, 18-anyos.

Nakita ang duguang bangkay ng biktima sa kanilang bahay sa Barangay Mamacao, Sta. Maria, Davao Occidental noong Sabado.

Mag-isa lang ang biktima sa kanilang bahay nang mangyari ang krimen.

Naaresto naman kinalaunan ang suspek sa krimen na si Wangyo Tribunal, na kababata pa man ng biktima.

Paniwala ng pamilya biktima, tinangkang gahasain ng suspek ang kanilang kaanak dahil nagtatanong daw ito sa mga kaibigan kung ilan taon ang parusa sa kasong rape.

Pero itinanggi ni Tribunal na balak niyang halayin ang biktima. Giit niya, gusto lang daw niyang takutin ang biktima para makaganti dahil tinutukso umano siyang magnanakaw ng manok.

"Tatakutin ko lang sana pero inagaw niya yung kutsilyo," pahayag ng suspek.

Ayon sa pulisya, walang palatandaan na nagahasa ang biktima.

Dahil sa trahediya, nakatakdang umuwi sa bansa ang ina ng biktima na isang OFW. Dahil sa trahediya, nakatakdang umuwi sa bansa ang ina ng biktima na isang OFW.

 

Link: https://www.gmanetwork.com/news/balitambayan/promdi/680034/18-anyos-na-anak-ng-ofw-tinadtad-ng-saksak-at-pinagpapalo-pa-ng-martilyo-sa-ulo/story/

Courtesy of FRJ, GMA News

Edited January 2, 20197 yr by ayarei09

Hi po sa mga admin po ng Benlotus hindi ko po sure bakit naging 2 po yung Topic na ito. Meron po sana magdelete ng topic na ito. Salamat po!

Na delete ko na yung isang topic. Happy New Year. Bagong taon, bagong news .

Grabe naman, kawawa naman. Bagong taon tapos ganun.