Bakit ba natin kinatatakutan ang salungatan? 

Katulad ng ating napag-aralan kahapon, ang salungatan ay hindi maiiwasan. Kaya, bakit tayo lubhang natatakot dito? Narito ang ilang mga kadahilanan kung bakit kinatatakutan natin ang salungatan:
1. Nagiging balisa tayo dahil dito.Sa huli, hindi lamang hindi nakakatuwa ang salungatan. Kapag nararamdaman nating mayroong hindi tama, alam nating kailagang may gawin tayo, ngunit kung minsan, sinusubukan nating itago ang ating nararamdaman upang iwasan ang salungatan. 
2. Nararamdaman nating wala tayong kontrol dito. Kapag nakakaranas tayo ng salungatan, ang pakiramdam natin ay wala na tayong kontrol sa buhay natin. Ito rin ang dahilan kung bakit mas gusto pa nating magpadala ng mensahe sa text sa halip na makipag-usap sa telepono—ang nais natin ay may kontrol tayo sa ating pakikipag-usap at sa sitwasyon. 
3. Hindi natin sinusunod ang Diyos. Kung minsan ay kinatatakutan natin ang salungatan sapagkat hindi natin ginagawa ang nais ng Diyos na gawin natin. Kapag nagtitiwala tayo sa Diyos, alam nating nais Niyang nasa tamang lugar ang ating mga ugnayan. Kapag pinipili nating iwasan ang salungatan at hinahayaan nating lasunin tayo nito, pinipinsala nating ang mga ugnayang nais ng Diyos na itama natin. 
Ngayon na batid na natin kung bakit tayo natatakot sa salungatan, maaari na tayong magsimulang pagtagumpayan ito. Mas malaki ang Diyos kaysa sa ating mga takot, at ang takot ay hindi galing sa Diyos. Kung ganoon, kapag ikaw ay nag-aalala tungkol sa isang salungatan, ipanalangin mo ito. Hilingin mo sa Diyos na bigyan ka ng karunungan at ng tamang mga salita upang malunasan ang isang nasirang ugnayan. Bukas, tutuklasin natin kung paanong ang salungatan ay nakakaapekto sa ating ugnayan sa Diyos.